Gestirnir mættir. Stefán er lögga og áðurnefnd Melkorka harðneitaði að svara því nafni og hélt því statt og stöðugt fram að hún héti Dísa….. Ég gef mig ekki fyrr en ég sé vegabréf því til sönnunar!!! Í morgun hefur Stebbi setið úti og kvartað sáran yfir hitanum á milli þess sem hann svitnar eins og garðúðari. Þar sem ég er þinglýst tík er ég búin að henda þessum svörum í hann: “Kvahhhh, það er bara 28 stiga hiti, bíddu þangað til í dag þegar fer upp í 37 stig”, og “Hlakkar þig ekki til að fara að spila fótbolta í þessum hita kallinn minn?”…. Við þessi svör fölnaði maðurinn svo svakalega að ég held hreinlega að hann hafi myrt litafrumurnar í húðinni á sér… Eftir þetta laumaðist ég inn og hló eins og vondimaðurinn í bíómynd…. En ég er samt góður gestgjafi sko!!!

Lokaprófin byrja á mánudaginn. Byrjum á Communication. Kennarinn er helvítis meri verð ég að segja bara! Ekki eins og frú Satansdóttir sem var að kenna mér á vorönninni… Hún var íll og fór ekkert í grafgötur með það, var meira að segja ponsu stolt af því bara. Þessi er gömul og þykist vera sykursæt. En hún er það ekki. Hún er eins og Nicole Kidman í Golden Compass, þykist vera voða góð við allt og alla en borðar svo bara lítil börn í morgunmat og stangar úr tönnunum með lærbeinum úr litlum sætum hvolpum. Ég er ekki hrifin af henni, ekki neitt bara!!

Enn hafa engar pantanir borist á herbergi hjá okkur yfir jólin. Okkur sárvantar einhvern út til okkar til að koma með jólamatinn… Maður sendir ekki skötu yfir Atlandshafið, svo mikið er víst. Þar sem ég er náttúrulega jólaálfurinn mikli, þá eru jólin búin að vera mikið áhyggjuefni hjá mér upp á síðkastið (Já, já ég veit, voða snemma íðí, en só vott!!). Við Fantastic 4 erum búin að skipta með okkur verkum. Fjölskyldan mín fær lista til að kaupa og senda út af allskonar jólagumsi, fjölskyldan hans Kristjáns fær annann lista og svo koll af kolli. Þannig að allir fá þá eitthvað fallegt… Allavega við. En hvernig sendir maður hangikjöt og laufabrauð?

Í fréttum var þetta helst.

Hrafnhildur- Talar frá Alabama